Bowentækni er bandvefslosunarmeðferð og er ekki sambærileg við neina aðra líkamsmeðferð sem stunduð er í heiminum í dag. Því er erfitt að skilgreina hana með venjulegum hugtökum.Nafnið Bowen kemur frá Ástralanum Thomas A. Bowen, sem þróaði þessa áhrifaríku og heildrænu líkamsmeðferð. Hún er einföld, mjúk og áhrifarík meðferð sem vakið hefur mikla athygli víðsvegar um heim.

Bowentæknin er aðallega græðandi meðferð og felst í röð mjúkra hreyfinga yfir vöðva, sinar og aðra mjúka vefi og losar spennu sem hefur byggst upp, líkamlega og eða andlega.Bowentæknirinn notar fingurna á ákveðin svæði og beitir mildum þrýstingi til þess að koma hreyfingu á vöðva og vefi. Við það fer í gang ferli í bandvef líkamans til að laga það sem í ólagi er,. og halda öllu í réttu jafnvægi.